Një grua që u kap duke ecur lakuriq dhe duke mbajtur kokën e ndarë të vajzës së saj në një thes, përshkruhej si një “nënë e dashur” dhe një prind i mirë që e adhuronte të bijën.
Policia po heton Tatiana Pyanova, 38 vjeçe, një pastruese nga qyteti Kharkiv i Ukrainës, për të cilën fqinjët thonë se “e donte” fëmijën e saj të vetëm, Kristina, 13 vjeç, ndërsa tani akuzohet për vrasje.
Pyanova u arrestua në qytetin Kharkiv me një thikë në njërën dorë dhe një qese plastike që mbante kokën e prerë të vajzës së saj adoleshente dorën tjetër.
Fotot tregojnë Pyanovën të zhveshur në një rrugë të qytetit ndërsa zyrtarët e policisë dhe makinat patrulluese e rrethuan. Ajo dyshohet se ka kërcënuar policinë me thikë kur ata iu afruan. Trupi i së bijës u gjet më vonë me 20 plagë thike, shkruan ‘The Sun’.
Vëllai i Pyanovës, Antoni, 40 vjeç, nga fshati Podvirki, kishte thirrur policinë për të raportuar se ai kishte gjetur trupin pa kokë të mbesës së tij në shtëpi.
Nuk pati asnjë zhurmë të çuditshme të raportuar natën që Kristina besohet të jetë vrarë.
