Ish-ministri i Shëndetësisë Ilir Beqaj nga foltorja e Kuvendit propozoi se familjeve të varfra duhet tu mundësohet akses në internet.
Sipas tij, siç iu dha familjeve të varfra dekoderi për sinjalin e TVSH, tu jepet edhe smartphon-i.
“Për 10 vitet e ardhshme duhet ta zhvillojmë tekenologjinë e informacionit. Ne e dime që kemi njerëz që ende u kemi borxh ujin e pishëm, u kemi borxh rrugën, kanalizimin, por ndoshta këtë barrierën e re të vendosim të mos e përdorim që në fillim.
Sugjerimi im është brenda të gjithë prioriteteve të vëmë edhe një tjetër. Universalitetin në teknologjinë e informacionit. Çdo familje të varfër siç i japim japim kompensim faturë energjie ti garantojmë X milek në muaj akses në internet. Dhe siç iu dha familjeve të varfra dekoderi për sinjalin publik të TVSH, tu japim edhe smartphon-in apo tabletin”, u shpreh Beqaj.
Po ashtu më herët ish- ministri ka sqaruar deklaratën për ulje pagash duke thëën se me pensionistët nuk është marrë fare por e kishte për disa ”pensionistë” si Petrit Vasili dhe Klajda Gjisha që marrin nga 800- 900 mijë lekë.
“Nuk jam marrë me pensionistët fare. ka disa tituj gazetash që thonë dyshohen. Propozimi im që pensionisti Petrit Vasili mos marrë 840 mijë lekë, por 630 mijë lekë pse është i pamoralshëm. Pensionistja Klajda Gjosha pse të marrë 900 mijë lekë? Ato që të çojnë me plagjiatura mund t’i lexosh vetë”, tha ai. /abcnews.al
