Në këtë muaj të shenjtë të Ramazanit, ish- myftiu i Tiranës, Ylli Gurra ka humbur një person shumë të dashur.
Babai i tij, Hoxhë Faik Gurra ka ndërruar jetë. Lajmi konfirmohet për Report Tv nga familjarë të tij.
Kush ishte Hoxhë Faik Gurra?
Ka shërbyer prej 30 vitesh Hoxhë në Dragostunjë, në vitet 2000 ka shërbyer si Nën/Myfti i rrethit Librazhd. Në ringritjen e Komunitetit Mysliman të Shqipërisë ka qenë përfaqësuesi i zonës Librazhd në mbledhjen themeluese në datë 14 shkurt 1991 në krah të Kryemyftiut H. Sabri koçi. Xhamia Dragostunjë, Librazhd ku shërbeu Hoxhë Faiku prej 30 vitesh në janar 2016 u vizitua nga Ambasadori Amerikan LU në mirënjohje të përkushtimit dhe sakrificës së të këtij brezi në shërbimin për fe e atdhe. Dhjetëra e dhjetëra kane qenë nxënësit që morën dije e shembull nga Hoxhë Faiku ndër breza.
Hoxhë Faik Gurra
