Personi që shihni në foto është Aleksandër Përdoda, autori i dyshuar për vrasjen e dyfishtë ditën e djeshme në Lezhë.
Ngjarja ndodhi mesditën e djeshme në fshatin Lalm i Vjetër. Nga hetimet e deritanishme, ka dyshime se Përdoda, ka vrarë me armë zjarri Kol Murranin dhe shokun e këtij të fundit, Preng Simonin, ndërsa pas ka si motiv një konflikt pronësie që ai kishte me rapsodin e njohur të kësaj zone (Kol Murranin).
Autori i vënë tashmë në pranga i ka qëlluar fillimisht nga larg dy vitkimat, Kolë Murranin dhe Preng Simonin, e më pas u është afruar për t’i qëlluar sërish, në mënyrë që të sigurihej se kishin vdekur.
Ngjarja e rëndë ka qenë e paralajmërua, pasi vetëm pak ditë më parë, Përdoda kishtë kërcënuar banorët e fshatit dhe i kishte paralajmëruar që të mos afroheshin tek tokat e tij. “Mos të shoh askënd tek tokat e mia,”- mësohet të ketë thënë ai.
Fill pas ngjarjes, autori i dyshuar, Përdoda, u arratis, ndërkohë që u arrestua disa orë më vonë nga policia. Pasi u mor në pyetje nga oficerët e policisë, ai ka pranuar autorësinë e krimit, ndërkohë që ende nuk dihen detaje rreth ngjarjes.
Kol Murrani nuk rezulton me të shkuar kriminale dhe njihej nga shumë banorë të zonës. Siç u raportua edhe dje, Kol Murrani bashkë me shokun e tij, Preng Simoni kishin dalë që në mëngjes për të shkuar tek shtëpitë e vjetra. Ata u gjetën në një kodër nga i biri i një prej viktimave që ka lajmëruar dhe Policinë.
