Pashkë Prendi është një infermiere nga Lezha është një nga infermierët e cila u infektua me koronavirus. Ajo tregoi historinë e saj të infektimit dhe shërimit në Open në Top Channel.
Si u infektuat?- e pyeti Eni Vasili.
“Nuk e di si u infektiva, apo nga kush. Shkoja çdo ditë në punë si zakonisht. Një ditë kisha temperaturë dhe I thashë doktoreshës që nuk vij dot në punë. Për 4 ditë u trajtova me paracetamol, por temperatura nuk po ulej. Kisha temperaturë 39.
Pastaj filluan edhe simptomat e tjera. Më shtruan në Spitalin Infektiv. Pata vështirësi edhe me oksigjenin duke u futur në frymarrje të drejtuar. Pas mjekimit në spital, dy tampon më dolë negativë. Tani ndodhem në shtëpi dhe po vazhdoj mjekimin. Po vazhdoj trajtimin në shtëpi dhe jam e bindur se do ja dal- tha në Open infermierja.
