Dy persona janë gjetur të vdekur si pasojë e të shtënave me armë në afërsi të fshatit Lalm i Vjetër Lezhë.
Ngjarja raportohet të ketë ndodhur mesditën e sotme, ndërsa shkaqet që cuan deri në përdorimin e armëve janë ende të paqarta.
Policia e Lezhës ka shkuar sakaq në vendngjarje dhe ka nisur hetimet.
Lezhë/Informacion paraprak
Në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes.
