Rama sot te Arjan Çani: Është i vetmi kazan pa mbetje toksike!

Rikthimi i Ramës tek Zonë e Lirë në qershor ka qenë dhe rinisja e një marrëdhënieje të re mes tij dhe gazetarit Arjan Çani.
Sot në mbrëmje, Rama do t’i shkojë sërish në Zonë e Lirë dhe intervistën e ka paralajmëruar me një status thumbues në rrjetet sociale.
“Sonte në 9, tek Zona e Lirë e Arjan Çanit që në këtë kohë degradimi të klubeve të katundit mediatik, mbetet i vetmi kazan pa mbetje toksike” shkruan Rama në Facebook.
Ditët e fundit, Ramës iu desh të krijonte një përplasje me gazetarët, pas pozitës së vështirë ku e vunë përgjimet e trafikantëve të drogës nga Prokuroria e Katanias.