Një foshnjë 5 muajshe ka humbur jetën pasi ishte e prekur nga koronavirusi. Vogëlushja, Jay-Natalie është viktima më e re në SHBA.
Jay-Natalie ishte e bija e një zjarrëfikësi në Neë York. Sipas ‘CNN’ vajza kishte një muaj që ishte e prekur nga koronavirusi dhe gjatë kësaj kohe ishte e shtruar në spital.
Prindërit e saj Jerel dhe Lindsey e shtruan vogëlushen më 21 mars, pasi vajza kishte probleme me zemrën dhe prindërit ishin të frikësuar për shëndetin e saj.
Mjekët thanë se kishte një periudhë kur vajza u përmirësua dhe familja e saj ishte optimiste, por më pas vajza kaloi në arrest kardiak dhe mjekët nuk mund të bënin asgjë.
Kujtojmë që deri më tani në SHBA 52.217 persona kanë humbur jetën, ndërsa 925.758 janë të infektuar.
