Kryetari i Grupit Parlamentar të Partisë Socialiste Taulant Balla ka reaguar pas miratimit nga ana e BE-së të propozimit të Komisionit Europian për përjashtuar Ballkanin Perendimor nga autorizimi i eksportit të pajisjeve medicinale në kuadër të luftës kundër COVID19.
Përmes një postimi në rrjetin social facebook Balla deklaron se me këtë vendim, BE i dërgoi një mesazh të fortë solidariteti Shqipërisë, Kosovës dhe vendeve të Ballkanit Perëndimor në këtë periudhë të vështirë.
Postimi i plotë:
Një tjetër mesazh solidariteti vjen nga familja e Bashkimit Europian për Shqipërinë, Kosovën dhe vendet e tjera të Ballkanit Perëndimor. Miratimi i propozimit të Komisionit Evropian për të përjashtuar Ballkanin Perendimor nga autorizimi i eksportit të pajisjeve mjekësore në kuadër të luftës kundër COVID-19, do të hyjë në fuqi këtë të Djelë, 26.04.2020.
Nuk jemi vetëm ndaj armikut të padukshëm.
