Gazeta e Nikollë Lesit, i ka dalë në mbrojtje presidentit Ilir Meta i cili akuzohet për tradhëti ndaj opozitës dhe një “pranvere” të re me kryeministrin Edi Rama.
Përmes një shënimi të shkurtër gjatë përcjelljes së deklaratës së kreut të shtetit, ndër të tjera deputetët që kritikuan Metën cilësohen si “injorantë dhe idiotë”.
“Një tufë deputetësh injorantë dhe idiotë në sallën e Kuvendit, të inicuar nga Rama-Fuga, nuk kuptuan thelbin e ndryshimeve që u bënë me insistimin e Presidentit të Republikës, sepse realisht janë injorantë dhe dallkaukë.
Populli i ka parë se si flasin, sa të vjen turp se kush e mban mandatin e deputetin në xhep dhe flasin në emër të popullit, si deputetë.
Të gjithë e dijmë si u bënë ky soj idiot, deputetë”, shkruhet ndër të tjera.
Ndërkohë, disa nga deputetët që kritikuan sjelljen e Metës ishin deputetët Myslim Murizi, Rudina Hajdari, Ralf Gjoni dhe Kujtim Gjuzi.
Një nga kritikët më të ashpër ka qenë deputeti Murrizi:
“Gardiani i Kushtetutës së 2 marsit i bëri naftën Kushtetutës me 22 prill Kur duan të ruajnë b …e tyre, bëjnë sikur iu ulen në gjunjë qytetarëve
Sa kalojnë lumin u hipin në kurriz qytetarëve. Kjo është fiks ajo thënia popullore që: kalova lumin, të q…afsha kalin Por për hir të së vërtetës duhet pranuar që për militanten e qorruar pas mender liderave, jo për popullin, kjo shprehje duhet ndryshuar. Në vend të kalit duhet gomari. Po si mund të dekretosh një kod penal që është ndryshuar pasi kishte mbaruar votimi me kuti o “gardian i Kushtetutës? Nuk di si ndjehen minjëra demokratë që erdhën më datë 2 mars në bulevard për të realizuar një tekë të “ gardianit?’
Se për këta 4-5 palaço që degjenerojnë njëri tjetrin me libër shpie, me gra motra vëllezer fëmijë e prindër të hënën, dhe pajtohen të martën vetëm per karriket e tyre për b…. e tyre, për miliona euro të vjedhura së bashku si qen të së njënjtës tufë, nuk ka vend as morali as kanuni as Kushtetuta I bëj thirrje” gardianit” që të paktën të rimbursoj lekët e naftës teëminjëra demokratëve që erdhën në shesh më datë 2 mars, me shpresën se “ gardian Skenderbeu” i besëlidhjes së të pa besëve, do të permbyste qeverinë e krimit dhe parlamentin ilegjitim.
Dekreti i sotëm është njëherësh edhe dekret për legjitimimin e parlamentit ilegjitim. Po tani si i behët mor spurdhjakë drejtues të opozitës? Apo nga inati i gardianit do bashkoheni me shejtanin? Ishalla ka qenë ajo studentja afër që ti ketë mbajtur dekretin “ gardianit” kur ka vënë firmën”, tha Murrizi. (TemA)
