KORONAVIRUSI/ Konfirmohen 7 raste të reja me COVID-19 në Krujë, mbyllen 21 fasoneri

Sot janë shënuar 7 raste të reja me COVID-19 në Krujë, nga të cilat 2 janë punonjëse fasoneri dhe 5 të tjerët janë kontakte. Si rezultat i rritjes së infeksioneve dhe paralajmërimeve të forta për gjobitje dhe mbyllje të aktivitetit nëse do të kapen me shkelje 21 fasoneri sot e kanë mbyllur punën. Pra janë 90% e fasonerive që kanë ulur qepenin në Krujë dhe Fushë Krujë. Hapur kanë mbetur vetëm 5 fasoneri me numër të vogël punonjësish ose ato që kanë lënë në shtëpi 95% të punëtorëve, pra janë me staf shumë të reduktuar. Report Tv ishte dje në Krujë për të parë nga afër situatën.