Një 28-vjeçare shtatzënë ka arritur të fitojë betejën me koronavirusin, pasi mjekët e kanë trajtuar me plazmën e pacientëve të shëruar, duke u cilësuar kështu si rast i rrallë.
Ajo nuk i mbajti dot lotët kur la spitalin në Mantua, Lombardi, ndërsa ishte shtatzënë në javën e 24 dhe një tjetër fëmijë po e priste në shtëpi.
28-vjeçarja Patrizia Vincenzi do të jetë sërish në gjendje të përqafojë fëmijën e saj pas 13 ditësh në spital, ku ajo fitoi luftën ndaj koronavirusin, pasi u trajtua me plazma hiperimune, të marra nga pacientët e shëruar. Një rast i rrallë nëse nuk është ende unik.
“Plazma më riktheu në jetë. Unë isha në depresion, por gjeta profesionistë të jashtëzakonshëm”, u shpreh nëna e re para se të kthehej në shtëpi, pas tamponit të dytë negativ dhe një përshëndetje për personelin mjekësor.
28-vjeçarja u shtrua në spital më 9 prill, ndërsa të nesërmen situata e saj u përkeqësua. Për të shmangur respiratorin për të mbrojtur fetuesin, mjekët e zhvendosën 28-vjeçaren në pulmonologji.
“Pas terapisë plazmatike, përmirësimi ishte vendimtar”, u shpreh Giuseppe De Donno, drejtor i pneumologjisë.
