Te ministria e Shëndetësisë, poshtë dritares së punës së ministres Ogerta Manastirliu Albana Vokshi dhe Enkelejd Alibeaj kanë denoncuar një tender sekret për blerjen e 200 mijë maskave dhe mjeteve të tjera me çmime stratosferike.
“Një prej aferave më të mëdha skandaloze korruptive të kësaj qeverie.
Tender blerje materiale personale mbi 200 mijë maska dhe mjete të tjera me cmime stratosferike. Është kjo arsyeja, që ka detyruar Ramën dhe qevrinë që ta klasifikojë këtë kontratë si sekret. kane cdoganuar një maskë me 3 euro por e kanë blerë nga dy kompani për 6.5 euro.
Ky është vendimi që e klasifikon këtë kontratë si sekret. Edi Rama ka dashur t’i mbajë të fshehta por grupi i punës së PD i ka zbuluar.
Disa prova!
Dje mbasdite në një prej farmacive të Tiranës unë kam blerë këtë maskë, kjo faturë tregon se cmimi me të cilin unë e kam blerë është 4 mijë lekë të vjetra por cmimi i blerjes me shumicë nga qeveria në këtë tender sekret është 8 mijë lekë ndërkohë që unë kam blerë të njëjtën maskë me 4 mijë lekë.
Abuzimi me vetëm blerjen e masakave është 550 mijë euro, shumë e mjaftueshme për ndihmën për një muaj për 14 mijë familje”, tha Vokshi.
