Përveç situatës së pandemisë, një tjetër problem që haset në këtë periudhë janë edhe alergjitë e stinës. Për të folur për këtë çështje e ftuar në programin “Historia ime”, në TV Klan ishte alergologia Alketa Ibranji.
Ibranji shprehet se është e rëndësishëm për personat alergjikë evitimi i lëvizjes në orën 9 me 11, kur është edhe kulmi i poleneve në qarkullim.
Gjithashtu ajo sugjeron mbajtjen e maskave sepse shërbejnë si një masë parandaluese.
Alketa Ibranji: Nuk mund të mbrosh nga diçka e cila ndodhet në ajër dhe ne e kemi të domosdoshme marrjen e ajrit, ku ndodhen edhe këto mikrobartikula. Ama mund të ndryshojmë shumë detaje të ajrit që ne thithim, duhet të shmanget dalja nga ora 9 deri në 11, kur është kulmi i poleneve në qarkullim. Por duke iu referuar situatës aktuale këta që dalin kanë maska të vendosura. Pra maska shërben jo vetëm si masë parandaluese për mbrojtjen nga COVID, por shërben edhe si një lloj filtri, por mos thithur atë sasi poleni në rrugën tonë, për ku jemi nisur.
Mirela Milori: Ndoshta do ishte mirë që maskat, alergjikët ti mbajnë në një periudhë?
Alketa Ibranji: Realisht vjet mbaj mend një sezon të fuqishëm alergjik, ku shikoje njerëz me maska dhe automatikisht identifikoheshin njerëzit që janë alergjikë.
Mirela Milori: I ndihmon alergjikët maska?
Alketa Ibranji: Bën një lloj filtrimi sepse dhe përgjigjja e alergjisë varet shumë nga doza e alergenit që ti përthith. Prandaj maska është një masë lehtësuese, por jo problem zgjidhës. Gjithashtu mbajtja e dritareve mbyllur kur është kulmi i këtij orari. Gjithashtu pacientët e mi kur e kanë të pashmangshme daljen në këtë fazë orari, një sugjerim praktik në shtëpi është lyerja e flegrave të hundës me vazelinë të bardhë pa aromë dhe pa erë sepse ajo në vetvete shërben si një lloj filtri.
