Ka ardhur më në fund lajmi i shumëpritur, pas shumë javësh izolimi të qytetarëve shqiptarë, për shkak të pandemisë globale. Në Tiranë nga mesnata deri në paraditen e së shtunës, nuk është paraqitur asnjë rast urgjence, me pacientë të prekur nga Covid-19.
Lajmi është konfirmuar nga drejtuesit e spitalit infektiv pranë Qendrës Spitalore “Nënë Tereza” të kryeqytetit. Kjo ndodh për herë të parë pas 6-7 javësh, qëshkurse u evidentua rasti i parë me koronavirus në Shqipëri, ku pacienti zero banonte në Tiranë dhe kishte një histori udhëtimi në rrugë tokësore përmes Malit të Zi, nga Italia.
Deri tani në Shqipëri numërohen 416 persona të prekur me Covid-19 nga të cilët 182 janë shëruar dhe janë regjistruar 23 viktima. Të hënën e javës së ardhshme, Kryeministri Edi Rama ka paralajmëruar se do të fillojë lirimi i disa masave shtërnguese për lëvizjen e qytetarëve dhe biznesit, por duke shtërnguar nga ana tjetër rregullat e distancimit social që janë garancia për mos rikthimin e pandemisë.
Alpenews.al
