Në Greqi janë shënuar edhe 2 viktima në 24 orët e fundit nga koronavirusi, konfirmon përfaqësuesi i Ministrisë së Shëndetësisë, Sotiris Tsiodras.
Numri total i viktimave në vendin fqinj është 81, nga të cilët 23 janë gra dhe 58 burra.
Sipas Z. Tsiodras, rastet e reja të konfirmuara të koronavirusit në Greqi janë 77, të martën (07/04/2020), duke e rritur numrin e përgjithshëm në 1.832. Nga këto, 534 kanë të bëjnë me udhëtime nga jashtë.
Ndërkohë 90 qytetarë po trajtohen me intubacion, 19 gra dhe 71 burra. Mosha mesatare e tyre është 66 vjeç.
Në Greqi janë testuar më shumë se 28.500 persona.
