Kryeministri Edi Rama ka përsëritur edhe njëherë se strategjia e testimeve përcaktohet nga ekspertët.
“A mundet dikush t’ia thotë PD se qeveria nuk vendos sa teste bëhen a nuk bëhen?! Aq më pak qeveria mund të marrë mendjen e PD-së për këtë punë! Strategjinë e testeve e bën Komiteti Teknik i Ekspertëve dhe PIKË! Qeveria zbaton ato që vendos Komiteti dhe PIKË! PD i’a fut kot.PIKË!”, shkruan Rama.
Ndërkohë PD, prej fillimit të pandemisë i kërkon qeverisë të bëjë sa më shumë testime. Edhe sot në një dalje për mediat nga selia blu, përfaqësuesja e PD, Mirela Tabaku tha se Qeveria duhet të lejojë ekspertët të kryejnë testim të zgjeruar.
Sipas saj përvojat më të mira botërore konfirmojnë se testimi i zgjeruar është thelbësor për të mbajtur nën kontroll COVID 19.