Ministria e Shëndetësisë në përditësimin e sotëm bëri me dije të dhënat më të fundit që flasin edhe për 116 persona që e kanë mundur deri më tani koronavirusin në vendin tonë.
“Gjatë 24 orëve të fundit, 12 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 116. Pra rreth 30% e të prekurve deri tani rezultojnë të shëruar”,- sqaroi zv.ministrja e Shëndetësisë, Mira Rakacolli.
Po ashtu sqarohet se, në shërbimin infektiv aktualisht janë 66 të shtruar. 5 prej tyre janë në terapi intensive.
Në spitalin COVID 2 “Shefqet Ndroqi”, janë 7 pacientë të shtruar gjithsej. 6 pacientë janë në terapi intensive.
Në dy spitalet COVID aktualisht po marrin shërbim 73 pacientë.
