Aeroporti Ndërkombëtar ”Nënë Tereza” në Rinas si rrallë herë më parë është bosh dhe pa udhëtarë. Kjo ndodh prej pezullimit të fluturimeve por edhe prej masave kufizuese të qarkullimit.
Të vetmit që janë prezentë në Rinas janë vetëm uniformat blu të Policisë kurse aktiv në pistë është vetëm avioni ‘Lasgushi’ i Air Albania i cili përcjell shtetasit e huaj në vendet e tyre dhe kthehet me pajisje mbrojtëse mjekësore apo me shqiptarët që presin të kthehen në atdhe pasi kanë ngelur jashtë kufijve.
