Ndërsa pacienti po trajtohej në izolim për Covid-19, mjekët në Klinikën Cleveland i linin atij mesazhe në derën e xhamit të dhomës së tij.
Pas daljes nga njësia e kujdesit intensiv, pacienti bëri të njëjtën gjë për mjekët, duke lënë një shënim të përzemërt që qendra postoi të Mërkurën në Instagram.
Ndjenjat e tij pasqyrojnë ndjenjën e mirënjohjes të përhapur ndaj punonjësve të kujdesit shëndetësor në vijat e para të pandemisë së koronavirusit.
Ja çfarë i shkruajti ai stafit të spitalit:
“Kjo dritare ka qenë dritarja më me ndikim në jetën time. Gjithë këto ditë ju pashë juve duke punuar shumë për të më mbajtur mua gjallë dhe të tjerët, dhe nuk munda t’ju falenderoj për të gjithë mundin dhe kohën që keni kushtuar për mua dhe me siguri nuk do mundem kurrë t’jua shpërblej, t’ju ofroj dashurin apo mbështetjen. Por dijeni se unë mendoj që jeni “rockstars”.
Kam parë që disa prej jush kanë netë të mira dhe disa netë të këqija, por ajo që ishte në përputhje çdo natë ishte që të kujdeseni për njerëzit.
“Sot e lë këtë dhomë si një person i ndryshuar, shpresoj për më mirë, jo vetëm për shkak të shërimit tuaj mjekësor dhe drejtimit dhe udhëzimit të Zotit, por me faktin se e di se ka njerëz kaq të mrekullueshëm, të përkushtuar për kujdesin dhe shqetësimin e të tjerëve.
Zoti bekoftë secilin prej jush”.
