Grupe ekstreme raciste, duke përfshirë nao-nazistët dhe supremacistët e tjerë të bardhë, po inkurajojnë anëtarët dhe simpatizantët e tyre, të cilët janë të infektuar me Corona, që të përhapin infektimin tek oficerët e policisë dhe hebrenjtë, sipas dokumenteve konfidenciale nga FBI.
“Anëtarët e grupeve ekstremiste inkurajojnë njëri-tjetrin për të përhapur virusin, nëse infektohen, përmes sekrecioneve trupore dhe ndërveprimeve personale”, tha një gazbetar Al Jazeera-s në Uashington.
FBI, pasi mësoi këto synime të ekstremistëve, menjëherë ndërmori veprime dhe ngriti alarmin. Forcat e policisë lokale janë informuar se oficerët e ttre rrezikojnë të stërpiken me sekrecione trupore gjatë patrullimeve në rrugë.
Ekstremistët, gjithashtu, u japin një direktivë ndjekësve për të përhapur ngjitjen te hebrenjtë duke “shkuar në vendtubime, përfshirë dyqanet, zyrat e policisë, ambientet e biznesit dhe vendet e adhurimit”.
FBI nuk dëshiron të flasë shumë për alarmin e ngritur dhe një deklaratë e veçantë thoshte: “Zyrat e terrenit të FBI-së shpërndajnë në mënyrë rutinore informacione me forcat lokale të sigurisë, duke ndihmuar në mbrojtjen e komuniteteve që ata shërbejnë, si dhe mbledhjen e informacionit në mjedise specifike.”
“Grupet antiqeveritare në Amerikë pëlqejnë të synojnë forcat e sigurisë, që janë një simbol i autoritetit për ta. Eshtë për të ardhur keq që në kohë krizash shtetërore, ata po përpiqen të arrijnë këto synime”, thuhet në Shoqatën e Forcave Federale të Sigurisë.
Një hetim mbi sjelljen e ekstremistëve në internet zbuloi se supremacistët e bardhë kishin dërguar mesazhe çdo javë duke fajësuar hebrenjtë dhe udhëheqësit hebrenj për virusin koronar, por edhe për futjen e masave paraprake për të frenuar përhapjen e infeksionit që nuk mbulohet nga aktivitetet e qeverisë.
Ata përhapën idenë se hebrenjtë krijuan virusin famëkeq në mënyrë që ata të mund të shesin vaksina, e kështu të nxisin ndjekësit që të përhapin infeksionin brenda komuniteteve hebraike dhe midis forcave të sigurisë.
“Kjo është se si supremacistët e bardhë, neo-nazistët dhe organizatat e tjera të ngjashme përhapin dezinformata dhe inicojnë dhunë përmes platformave në internet”, thotë Michael Masters, i cili kryeson trupin që koordinon sigurinë e organizatave hebraike dhe sinagogave në të gjithë Shtetet e Bashkuara. /tesheshi.com/
