Një një lidhje me skype me News 24, psikologia Lorena Garuli dha këshilla të vlefshme për prindërit se si mund t’ua shpjegojnë fëmijëve atë që po ndodh tani, se çfarë është koronavirusi dhe pse duhet të qëndrojnë të mbyllur.
“Rëndësi ka që fëmijët të rrinë në shtëpi. Fëmijët duhet të jenë të sigurt, në këto moment ata kanë nevojë për siguri e dashuri. Nëse fëmijët bëhen agresivë ne duhet t’ju rrimë pranë, duhet t’ju bëjmë të kuptojnë se ne jemi aty për ti mbrojtur. Duhet t’ju sqarojmë të vërtetën për sëmundjen, nëse bëjnë pyetje duhet t’ju pergjigjemi, ‘tju themi që të prekurit janë në mosha të mëdha, ndaj nuk duhet t’i takojmë gjyshërit, të bëjnë një vizatim për ta përshkruar situatën, ose të shkruajnë kartolina apo letra për gjyshërit”,- këshilloi psikologia.
Më tej, psikologia këshilloi që fëmijët mund ta kalojnë kohën duke bërë lojëra të ndryshme.
“Sa për informacionet, duhet të informohemi dy apo tre herë në ditë, jo gjatë gjithë kohës. Këtë sforco duhet ta bëjmë për vete por edhe për fëmijët”,- këshilloi ajo ndër të tjera.
(m.a/BalkanWeb)
