Kryeministri Edi Rama ka publikuar disa pamje nga operacioni i një dite më parë, ku u arrestuan vëllezërit Cala të akuzuar për grabitjen në Rinas.
“Dje Policia e Shtetit u hodhi prangat organizatorëve të grabitjes së aeroportit të Rinasit qershorin e shkuar dhe u konfiskoi 130 mijë € si edhe tre armë zjarri.
Respekt për uniformat blu që krahas kontributit të jashtëzakonshëm në frontin e luftës me armikun e padukshëm, vijojnë betejën me llumin e kësaj dynjaje”, shkruan Rama nw Facebook.
Vëllezërit Çala u arrestuan në një shtëpi në Golem, të cilën ata e kishin marrë me qira. Gjatë operacionit janë sekuestruar një numër i madh armësh si edhe 100 000 euro, të cilat besohet se janë pjesë e parave të grabitura në Rinas.
