Në përpjekje për të ngadalësuar përhapjen e virusit në Belgjikë, policia po vepron me ashpërsinë më të madhe ndaj qytetarëve që nuk respektojnë masat e kontrollit dhe kjo për sigurinë e tyre dhe të qytetarëve të tjerë.
Drejtuesit e policive belge u mblodhën sot për të zbatuar të njëjtat rregulla në të gjithë vendin dhe për të shmangur tubimet.
Shkelësit nuk do të marrin një paralajmërim por do të gjobiten menjëherë.
“Ata që udhëtojnë treshe në rrugë rrezikojnë një gjobë të menjëhershme prej 500 eurosh”, paralajmëroi Nicholas Paelinck, kryetari i komisionit vendor të policisë.
Natyrisht, kjo nuk vlen për anëtarët e së njëjtës familje, me kusht që ata të jetojnë nën të njëjtën çati.
