Pas situatës së krijuar prej koronavirusit, qytetarët denoncuan rritjen abuzive të çmimit të fruta perimeve. Por ngritja e task-forcës dhe procedimi i disa personave, ka bërë që gjendja të shkojë drejt normalitetit.
Qytetarët shprehen se ndërhyrja e institucioneve ka bërë që situata të ndryshojë.
Tregtarët e shumicës ua shisnin pikave të pakicës me çmim të më të lartë fruta-perimet, ndërkohë që për të fshehur abuzimin në faturë deklarohej një çmim më i ulët.
Kjo skemë përfitimi u denoncua edhe nga zv.kryeministri Erjon Braçe i cili thotë se tregtarët e shumicës në Tiranë i blejnë këto fruta perime në serat e vendit me një çmim më të lirë se 10 ditë më parë.
Në zbatim të masave për parandalimin e abuzimit me çmimet si pasojë e shfrytëzimit të situatës këtë të martë janë proceduar penalisht 4 administratorë subjektesh, të cilët kishin abuzuar me çmimet në tregun agro-ushqimor në Tiranë.
Ndërsa këtë të mërkurë për të njëjtën arsye janë proceduar edhe 2 pronarë dyqanesh në Durrës.
