Pas ndëshkimit të disa subjekteve për rritjen abuzive të çmimeve, në tregjet e kryeqytetit të hënën u vu re rënie e lehtë, veçanërisht e agrumeve që janë më të kërkuarat në kohën e koronavirusit.
Dy ditë më parë, për shkak të vitamicës C që përmbajnë limoni dhe portokalli shënuan rritjen më të madhe, ndërsa pas daljes në terren të Task-Forcës, nga 130 çmimi i portokallit shkoi në 100 lekë dhe limoni nga 500 në 300 lekë.
Edhe pse çmimet kanë pësuar një rënie, qytetarët shprehen se janë të papërballueshme dhe detyrohen të kufizohen në zgjedhjet e tyre.
“Rrogat që kemi për një javë i mbaruam.”
“Gjysmat i marrim, gjysmat i lëmë.”
Për të inspektuar dhe monitoruar në terren abuzimet me çmimet në këtë situatë emergjente të krijuar nga Covid 19 është ngritur një Task- Forcë e përbashkët e Autoritetit Kombëtar të Ushqimit, Policisë së Shtetit, Tatimeve dhe Agjencisë Kombëtare të Barnave.
