Trajneri i Arsenalit, Arsene Wenger pranon se mund të jetë në rrugën e tij drejti largimit nga londinezët në fund të këtij sezoni të Ligës Premier.
Wenger i tha aksionerëve të zemëruar të Arsenalit dje (e enjte) se do të diskutojë të ardhmen e tij me bordin e klubit në fund të këtij sezoni.
Trajneri francez nuk e ka mohuar mundësinë e largimit nga Topçinjtë në fund të këtij sezoni.
“Do të doja të përfundoja me gjendjen time personale. Kishte edhe disa shqetësime. Duhet t’ju them, uria ime, angazhimi im është më i madh se kurrë”, ka thënë fillimisht Wenger për Mirror.
“Por, unë e pranoj se kur je një kohë të gjatë në një klub të gjithë e bëjnë këtë pyetje”.“Pyes veten shumë për të qenë më mirë çdo ditë dhe do të ulem çdo vit me bordin tim për të parë se ku jam dhe deri ku do shkoj”.
