Korça sot duket e boshatisur. Nga një vëzhgim në qytet dhe në pikat më të frekuentuara siç janë Pazari i Vjetër, pedonalja, baret, kafetë të gjitha janë bosh. Të vetmit që sheh dhe që janë të pakët janë qytetarë që iu është dashur të dalin për një arsye, por të pajisur me maska doreza dhe gjithmonë evitojnë kontaktet e afërta. Edhe drejtuesit e automjeteve janë të pajisur me maskë. Ndërkohë një pjesë e konsiderueshme e bizneseve kanë ulur qepenat dhe kafet janë boshatisur thuajse 100%.
Korça është ndërgjegjësuar, qytetarët kanë qëndruar në shtëpi për të mbrojtur veten dhe familjet e tyre nga koronavirusi.
Edhe pse nuk bën pjesë në 8 qytetet me masa ekstreme qarkullimi i automjeteve ka rënë ndjeshëm. Gjithçka shfaq qetësi dhe pa lëvizje këmbësoresh e lëvizje shumë të pakta automjetesh.
