Gjithçka mbyllur, pak qytetarë në rrugë teksa dhe ata që ndodhen në makina po mbarojnë sot shërbimet e fundit para se të qendrojnë tre ditë pa perdorimin e tyre sipas masave të vendosura nga qeveria.
Shembulli i dhënë nga bizneset, nuk duket të zbatohet me po kaq përpikmëri nga qytetarët që edhe pse në dijeni të situatës dhe masave vijojnë me shëtitjet në kryeqytet.
Siç duket nga pamjet, një nga zonat më të populluara siç është ajo e ish Bllokut sot është tërësisht e boshatisur.
Bar kafenetë, restorantet, “Fast food-et” e deri tek butik të ndryshëm kanë lajmëruar mbylljen e tyre nepermjet njoftimeve duke ndjekur kështu rrugën e duhur: Për të qendruar në shtëpi.
Rrugët ndonëse të boshatisura, sheh dhe nga ata qytetarë që edhe pse nuk janë në rrugë janë pajisur me masat mbrojëse tashmë bazike e jetësore si maska apo dorezat.
Edhe në drejtimin e makinës edhe në atë të biçikletës, maska dhe dorezat janë të pandashme duke dhënë mesazhe dhe tek ata të tjerët që janë ende në fazë neglizhimi, për fat të keq.
Ky nuk duket rasti i këtij shitësi ambulant që shihni në foton e mëposhtme, që i ka marrë të gjitha masat që duhen per perballimin e situatës duke dhënë një mesazh të fortë.
E megjithatë, lëvizjet janë pakësuar. Rrallë të ndodh të shohësh grumbuj njerëzish qoftë edhe duke ecur apo në makina. Mbyllja e bareve duket të jetë një nga masat më të mira të ndërmarra pasi siç shihet ka “dërguar” qoftë edhe me detyrim pjesën më të madhe të qytetarëve në shtëpi. 
Sfida vijon, deri në vetë izolomin e qytetarit të fundit që ky mankth të marri fund, dhe gjithëkush ti kthehet normalitetit. ALPEnews.al
