“Të gjithë njerëzit janë të lutur të qëndrojnë në shtëpi dhe të shmangin çdo dalje të panevojshme.”
Kjo është thirrja që dëgjohet më së shumti tashmë në Italinë fqinje pasi i gjithë vendi është kthyer në një zonë të mbrojtur nga koronavirusi. E ndërsa numri i viktimave dhe të infektuarve vijon të rritet me ritme të shpejta, Italia është vendi i dytë pas Kinës që po përballet me betejën më të vështirë pasi janë regjistruar 631 viktima dhe më shumë se 10 mijë mbartës të sëmundjes.
Nga dita e djeshme, qytetet duken pothuajse të zbrazura, shkollat, kafenetë, bizneset, bibliotekat, kinematë gjithashtu janë bosh.
Ndërsa në veri të vendit po konsiderohen masa edhe më strikte, me mbylljen totale të provincës së Lombardisë dhe Piemontes, aty ku janë regjistruar rastet më të shumta.
Ndërkohë Kina ka dërguar një ekip ekspertësh mjekësorë në ndihmë të Italisë.
