Autoriteti i Mediave Audiovizive u ka bërë apel mediave që të ndjekin me rigorozitet rregullat e nevojshme, bazë për të parandaluar përhapjen e koronavirusit në Shqipëri. Ajo bën apel që të në rastet e programeve të drejtpërdrejta ose me regjistrim në studio audiovizive që kanë përqendrim personash, për të respektuar kërkesat e disatancave optimale mes tyre. E ndërsa vë theksin tek programet që kanë publik në studio, duke u bërë thirrje që të evitojnë një gjë të tillë, si një masë e domosdoshme për të mos rritur bilancin e të prekurve me koronavirus në Shqipëri.
“AMA vlerëson angazhimin e redaksive audiovizive për raportimin dhe mbulimin e situatës së krijuar nga përhapja e koronavirusit.
Evitimi i rrethanave me studio televizive që aplikojnë formatet programore me prezencë të përqëndruar të publikut, do të jetë ndihmë në parandalimin e rreziqeve të përhapjes së koronavirusit nga persona potecialisht të infektuar, bazuar dhe në udhëzimet e bëra publike nga Ministria e Shëndetësisë”, bën me dije AMA.
