Ndërsa frika për koronavorusin shtohet çdo ditë, njerëzit e shqetësuar në Australi po blejnë të gjitha letrat higjienike.
Ata po blejnë aq shumë sa raftet në disa supermarkete kanë mbetur bosh, dhe Kleenex u ka kërkuar klientëve të mos frikësohen.
CNN pa rafte bosh gjatë një vizite në disa supermarkete në qytetin e Brisbane të mërkurën e 4 marsit.
Një zyrtar i Australisë, njëkohësisht mjeku Brendan Murphy u bën thirrje njerëzve që të mos frikësohen.
“Ne po mundohemi t’i sigurojmë njerëzit që blerja e të gjithë letrave higjienike nga raftet e supermarketeve ndoshta nuk është diçka proporcionale ose e arsyeshme për të bërë në këtë kohë. Ne jemi një sistem shëndetësor i përgatitur mirë por edhe sistemet shëndetësore të përgatitura më mirë mund të përballen me një sfidë nëse keni shpërthime të mëdha”, tha ai.
Murphy tha gjithashtu se shumica e rasteve në Australi përfshinin njerëz që kishin udhëtuar nga vendet e tjera të prekura.
Në Australi, gjithsej 42 persona janë infektuar me koronavirus, teksa një person ka gjetur vdekjen.
