Shirita kuqezi në krah do të jetë simbol i këtij manifestimi të thirrur këtë 2 mars nga Presidenti Ilir Meta. Kur kanë mbetur më pak se një orë, në bulevardin “Dëshmorët e Kombit” po bëhen përgatitet e fundit. Gazetari i Report Tv, Arsen Rusta ka bërë një panoramim të asaj që ofrohet në bulevardin përballë presidencës.
Fonia është testuar, podiumi ku pritet të mbaj një fjalim kreu i shtetit, Ilir Meta e ndërsa është vendosur edhe një tavolinë, që mësohet se aty do të firmoset “dekreti i rëndësishëm” që Meta e ka paralajmëruar qysh në krye të herë. Trafiku është devijuar në këtë bulevard, e ndërsa do të mbyllet krejtësisht në rrugët përreth nga ora 16:30, 30 minuta para nisjes së këtij tubimi.
Report Tv mësoj se presidenti Meta do të dalë nga hyrja kryesore e presidencës, për t’iu bashkuar turmës së njerëzve.
Duke qenë se Meta ka dalë garant se gjithçka do të jetë paqësore në terren nuk janë vendosur autobote me gazlotsjellës, detaj që e kemi parë në protestat e opozitës, por janë autobote me ujë dhe blinda në gatishmërinë vijën e parë do të jenë efektivë policie nga komisariatet 1, 2, 3 dhe 4 e ndërsa në vijën e dytë forcat speciale.
