DEKRIMINALIZIMI: Hyrja në fuqi e ligjit të dekriminalizimit, që parashikon ndalimin e përfshirjes në politikë apo emërimin në poste të larta zyrtare të personave me të kaluar të errët, duket se po ecën me ritme të shpejta.
Prokuroria e Përgjithshme ka kërkuar sot heqjen e mandatëve për dy deputetët: Aqif Rakipi PDIU dhe Gledion Rahovica LSI.
Mësohet se të dy deputetët i prek ligji i Dekriminalizimit. Të dy nuk kishin deklaruar ndalimin nga policia italiane.
Aqif Rakipi është deputet i PDIU në qarkun e Elbasanit. Gledion Rahovica është deputet i LSI në qarkun e Beratit. Në formular ka shkruar se nuk është ndaluar asnjeherë por sipas Prokurorisë ai është ndaluar nga policia italiane.
E njëjta gjë dhe për Gledion Rahovicën:
Kërkesa e firmosur nga Drejtoresha e Dekriminalizimit pranë Prokurorisë së Përgjithshme, Rovena Gashi është dorëzuar në KQZ.
Më herët këtë vit, janë zbardhur dënimet e deputetëve dhe kryebashkiakëve, të cilët kanë tentuar të fshehin dënimet e gjykatave në kuadër të ligjit të dekriminalizimit.
Sipas një materiali voluminoz që Komisioni Qendror i Zgjedhjeve ka hartuar për ligjvënësit shqiptarë, është bërë e ditur se 7 deputetë dhe 3 kryetarë bashkish kanë korrigjuar formularët e vetëdeklarimit, duke deklaruar dënimet të cilat i kishin fshehur herën e parë.
Janë emra që prej kohësh kanë qarkulluar dhe në akuzat politike ndër kampet e opozitës dhe mazhorancës.
Disa nga deputetët që u verifikuan janë në shkurt të këtij viti janë: Artan Gaçi, Armando Prenga, Gledion Rehovica, Aqif Rakipi, Omer Mamo dhe Mhill Fufi.
Mhill Fufi (PD)
Shkëlqim Selami (LSI)
Pranon se ka qenë nën hetim si i dyshuar për një vepër penale në Brindisi të Italisë në vitin 2007. Por me vendim të formës së prerë është shpallur i pafajshëm në shkurt 2007. Më poshtë foto nga formulari i tij.
Edi Paloka (PD)
Ka qenë i dënuar me vendim të formës së prerë për “shpifje” në vitin 2015 nga Gjykata e Lartë. (Patitësi kryeministri Rama). Ka qenë i dënuar nga Gjykata e Tiranës në vitin 2001 për “organizim i manifestimeve të paligjshme” Në vitin 2000 është arrestur në flagrancë nga policia e Tiranës. Gjykata i ka caktuar masën “arrest me burg” për 10 ditë. Akuza “miting i paligjshëm dhe kundërshtim me forcë i policisë”. Më poshtë foto nga formulari i Edi Palokës, kryetar i grupit parlamentar të PD-së.
Ndërsa në listën e kryebashkiakëve të cilët po verifikohen janë Eduart Kapri i Pogradecit, Adriatik Zotkaj në Poliçan dhe Tërmet Peçi në Tepelenë.
Në listën e deputetëve që “janë kujtuar me vonesë” se kanë qenë të dënuar figuron emri i Arben Ristanit, Artan Gaçit, Spartak Brahos, Vladimir Kostës dhe Ylli Shehut.
DËNIMET
Deputeti i PD-së, Arben Ristani, ka deklaruar jashtë afatit ligjor gjyqin që ka humbur në vitin 2015 përballë Kryeministrit Edi Rama, të cilit i detyrohej 200 mijë lekë gjobë. Edhe deputeti i PS-së, Artan Gaçi, ka deklaruar dënimet që ka marrë në vitin 2007 i akuzuar për kontrabandë dhe i dënuar me 300 mijë lekë gjobë, por më pas ka marrë pafajësinë në vitin 2009.
Në listën e deputetëve që kanë deklaruar me vonesë dënimet dhe kundërvajtjet figuron dhe emri i deputetit të PS-së, Vladimir Kosta. Ky i fundit është dënuar me gjobë 10 mijë lekë në vitin 2000, nën akuzën e armëmbajtjes pa leje.
Ylli Shehu i LSI-së ka deklaruar se është dënuar për kontrabandë në vitin 2007 dhe ka marrë si masë ndëshkimi 200 mijë lekë sanksion.
KRYEBASHKIAKËT
Në listën e kryebashkiakëve që janë kujtuar me vonesë për të deklaruar dënimet figurojnë 5 emra. Ai i Artur Bardhit, kryebashkiak i Kurbinit, i cili ka deklaruar se ka bërë 1 vit e gjysmë burg për kalim kufiri në vitin 1990. Adriatik Zotakaj, kryebashkiak i Poliçanit, ka goditur për shkak të detyrës.
Tërmet Peçi i Tepelenës ka falsifikuar dokumente në vitin 2004. Kurse Edmond Themelko i Bashkisë së Pustecit është amnistuar në vitin 2015 për manipulim zgjedhjesh në Maqedoni dhe për kontrabandë.
Gjithashtu Xhelal Mziu, kryebashkiak i Kamzës:
Pranon se ka qenë i dënuar me dy vjet burg nga Gjykata e Tiranës në vitin 2015, për “shpërdorim detyre dhe shkelje të barazisë në tendera”
Ndaj tij ishte vendosur fillimisht masa e sigurisë “arrest me burg”. Në vitin 2016 Gjykata e Apelit e ka shpallur të pafajshëm. Më poshtë foto nga formulari i Mziut.
DEPUTETËT E DËNUAR ME VENDIM TË FORMËS SË PRERË
Armando Prenga- PS (Gjykata e Kurbinit akuzuar në vitin 2005, për falsifikim dokumentesh neni 186/1 i Kodit Penal)(dënuar me 300.00 lekë gjobë).
Andrea Marto- PS (Gjykata e Tiranës, Kolegji Ushtarak (akuzuar për shkelje të rregullave të qarkullimit rrugor. Neni 81/ 1 Kodi Penal. Në vitin 1978 i dënuar me 6 muaj riedukim nëpërmjet punës).
Përgatiti: AlpeNews.al
