Në tragetin ‘Diamond Princess’, i bllokuar në karantinë në Yokohama, në Japoni janë konstatuar pozitiv në testet e kryera për virusin e Wuhan 88 raste të reja, për një total prej 542 personash të infektuar.
Deri tani numri i personave që i janë nështruar analizave është 681 ndërsa numri i përgjithshëm i pasagjerëve në bordin e tragetit është rreth 3700.
Trembëdhjetë qytetarë amerikanë që u konsideruan të jenë “në rrezik të lartë” infektimi nga koronavirusi i ri, të cilët ishin në bordin e ‘Diamond Princess’, u transportuan në një strukturë të specializuar në Universitetin e Nebraska.
Ata ishin pjesë e 338 amerikanëve të evakuuar nga trageti i bllokuar dhe u riatdhesuan me aeroplan në Shtetet e Bashkuara.
Gjithashtu dje janë evakuuar nga karantina lundruese edhe 22 qytetarë italianë.
