Gjykata ka caktuar masën e sigurisë ‘Arrest me burg’ për Selman Aliajn, që vrau të atin. Lexohet deshmia tronditese ne salle “E vrava pasi pasditen e 22 dhjetorit rreth ores 17 pasdite kur po shkarkonim materiale ke oborri shpis nga dumdum me tha martohu dhe nusen do e kemi te dy.
“E vrava, pasi pasditen e 22 dhjetorit rreth orës 17:00 kur po shkarkonim materiale tek oborri i shtëpisë nga ‘dumdum’ më tha ‘martohu dhe nusen do e kemi të dy’. E godita disa herë me çekiç dhe e fsheha në bagazhin makinës dhe e hodha në liqenin e Farkës. Pas vrasjes u largova për në Kukës. Më fejuan me zor, unë doja të ikja në Gjermani te vëllai”, ka thënë autori i krimit para trupës gjykuese.
Nga ana tjetër, avokati i 28-vjeçarit, Fran Dashi, kërkoi që të bëhet ekspertiza psiko-ligjore e autorit të krimit për të përcaktuar shkallën e përgjegjshmërisë së tij.
“Ne sapo dolëm nga seanca gjyqësor e vlerësimit të ligjshëm të caktimit të masës për Selman Aliajn. Është një vepër e rëndë. Duhet një akt ekspertimi për të caktuar shkallën e përgjegjshmërisë së tij, për të provuar nëse janë të vërteta ato që deklaroi autori”, tha avokati Dashi.
Sherri mes tyre ka nisur kur Fejzi Alla i ka thënë djalit se ‘nusen do ta kemi përgjysmë’. Selman Aliaj e ka goditur me çekiç pas koke dhe e ka futur në makinën e vëllait për ta çuar te liqeni i Farkës.
Por te liqeni, kur ka hapur bagazhin e makinës ka vënë re që babai merrte ende frymë dhe ai e ka goditur në pjesën ballore, duke i shkaktuar vdekjen.
Selman Aliaj është shprehur para policisë se konfliktet me babain nisën kur ai e fejoi pa dëshirë. Sipas tij, dyshimet ishin që babai e ndonte vajzën për vete edhe për faktin se ka qenë tre herë i martuar më parë. Dëshminë e djalit e mbështet edhe nëna e tij, e divorcuar.
Në përfundim të seancës, avokati i Selman Alias u shpreh se: “I ka thënë babit se do shkoj në Gjermani te vëllai të rregullohem nga gjendja ekonomike dhe pastaj të martohem. Pas krimit u ul në një fast food dhe hëngri tre sufllaqe, iku në Kukës dhe kur po kthehej në drejtim të Tiranës, u arrestua në afërsi të urës së Institutit. Babai sipas tij ka abuzuar dhe keqtrajtuar gratë që ka pasur. Dyshohet se ka qenë edhe abuzues seksual, por kjo ende e paprovuar. Ne i kemi kërkuar gjykatës ekspertim mjeko-ligjor, pasi nga sjellja e tij në gjyq dhe përvoja që ne kemi me raste të ngjashme mendojmë se është me probleme mendore”.
