Regjistrohet përplasja e dytë në pak ditë mes policisë greke dhe shqiptarëve. Pas asaj të dy ditëve më parë, sot një tjetër shqiptar ka përplasur katër makina, tre nga të cilat të policisë greke në tentativë për t’u larguar, pasi po transportonte 35 kg marijuanë.
Pas informacioneve për lëvizje të shpeshta të shqiptari 48-vjeç në dy anët e kufirit, policia greke u vendos në ndjekje të tij pasi hyri nga kufiri i gjelbër në tokën greke. Në rrugën Egnatia, në vendin e quajtur Imathia, policia ka tentuar të bllokojë lëvizjen e makinës, që ishte marrë me qira nga 48-vjeçari shqiptar.
Por ai ka shtuar shpejtësinë dhe ka përplasur 3 makina të policisë greke dhe një mjet civil. Pas ndjekjes u arrestua ndërkohë që brenda në makinë u gjeten dhe sekuestruan rreth 35 kg marijuanë. Droga kishte destinacion Selanikun dhe Halkidikin.
