Një djalë i ri ka shpëtuar mirë pas ndihmës mjekësore, pasi në gjendje të rënduar psikologjike, ka konsumuar ilaçe duke tentuar vetëvrasjen.
Burimet nga Komisariati i Policisë Kavajë thanë se një ditë më parë, në urgjencën e spitalit rajonal, ka shkuar shtetasi me inicialet A.S, 25 vjeç.
Dyshohet se në banesën e tij, në gjendje të rënduar psikologjike, ka pirë ilaçe dhe ka tentuar vetvrasjen. Menjëherë është dërguar në urgjencën e Kavajës, dhe pas ndihmës mjekësore u largua pa probleme për jetën.
Materialet rreth çështjes iu referuan në Prokurorinë e Rrethit Gjyqësor Kavajë.
