Policia e Elbasanit ka dhënë informacion për shpërthimin e fuqishëm që u dëgjua mbrëmjen e sotme në lagjen “11 Nëntori”, në vendin e quajtur “Spaikorre”.
Sipas policisë shpërthimi ka ndodhur rreth orës 19:58 në një rrugicë midis pallateve dhe është shkaktuar nga lëndë piroteknike. Si pasojë e shpërthimit është shkaktuar një gropë e vogël, por nuk ka të lënduar në njerëz.
Njoftimi i policisë
Rreth ores 19:58 në Sallen Operative ka ardhur një telefonate se në Lagjen “11 Nentori” në një rrugice midis pallateve është dëgjuar një shpërthim.
Me marrjen dijeni të njoftimit u shkua në vendin ku u dha njoftimi ku u konstatua një gropë e vogel e cila mund të jetë shkaktuar nga lëndë piroteknike.
Nuk ka dëme në njerez apo dëme materiale.
Grupi hetimor po punon për zbardhjen e rrethanave të ngjarjes.
