Barcelona është skuadra me mbrojtjen më të fortë në Evropë, vetëm shtatë gola të pësuar pas 17 xhirove.
Barcelona me Ernesto Valverden po duket një tjetër skuadër.
Pavarësisht largimit të Neymar Junior gjatë verës, Barcelona ka qenë skuadër e frikshme deri më tani në sezonin 2017/18.
Formacioni 4-4-2 deri i Valverdes tani për tani po kryen punë. Po me 4-4-2, Barça e mposhti Realin 3:0 midis Santiago Bernabeut, duke shkuar në 14 pikë diferencë, për të vazhduar sigurtë drejt titullit në Spanjë.
Se Barça është në formë e tregojnë më së miri edhe statistikat. Katalunasit së bashku me Manchester Cityn – janë skuadrat e vetme pa humbje në top pesë ligat Evropiane.
Barcelona gjithashtu është skuadra me më së paku gola të pranuara në top pesë ligat Evropiane, shkruan Gazeta Express.
Pesë klubet me mbrojtjen më të fortë në Evropë:
1. Barcelona: Gola të shënuar (45) – gola të pësuar (7)
2. Atletico Madrid : Gola të shënuar (25) – gola të pësuar (8)
3. Bayern Munich: Gola të shënuar (37) – gola të pësuar (11)
4. Manchester City: Gola të shënuar (60) – gola të pësuar (12)
5. Napoli: Gola të shënuar (41) – gola të pësuar (13)
