Prej dy ditësh trupi i tij qëndron në morg, ende i paidentifikuar. Fjala është për një 50 vjeçar i cili gjeti vdekjen pas një aksidenti në aksin Tepelenë- Gjirokastër. Një autobus i linjës Vlorë- Athinë e goditi 50 vjeçarin duke e lënë të vdekur, por që prej dy ditësh, askush nuk ka mbërritur në spital për të identifikuar viktimën.
Policia kësisoj ka kërkuar ndihmën e qytetarëve, duke bërë publike dhe disa pamje të viktimës nga kamera e sigurisë së një lokali ku ka qenë burri i paidentifikuar.
