Gjate meshës së Krishtlindjeve, në fjalën e tij, kryepeshkopi Janullatos, tashmë me shtetësi shqiptare, nuk ka harruar të falenderojë presidentin Ilir Meta.
Teksa bëri falënderimin ndaj Presidentit Meta, Kryepeshkopi Anastas e krahasoi vendimin e djeshëm për dhënien e shtetësisë shqiptare me “verën, e cila sa më shumë vjetërohet, aq më shumë vlera merr”!
Deklarata e Metes per shtetesine e Janullatosit
Të dashur miq,
Në vigjilje të Krishtlindjeve, kam kënaqësinë të bëj publik vendimin tim për t’i dhënë shtetësinë shqiptare Kryepeshkopit të Tiranës, Durrësit dhe gjithë Shqipërisë, Fortlumturisë së Tij, Anastas Jannullatos.
Kontributi dhe përkushtimi i tij në 25 vite i ka shërbyer jo vetëm ringritjes kanonike dhe shpirtërore të Kishës Ortodokse Autoqefale të Shqipërisë dhe arsimimit e përgatitjes së brezit të ri të klerikëve shqiptarë por edhe afirmimit ndërkombëtar dhe njohjes së Kishës Ortodokse Autoqefale të Shqipërisë kudo në botë.
Fortlumturia e Tij ka dhënë, në bashkëpunim të ngushtë me udhëheqësit e tjerë të besimeve fetare në Shqipëri, një kontribut të jashtëzakonshëm në forcimin e harmonisë, tolerancës dhe bashkëjetesës ndër-fetare, kësaj pasurie kombëtare të popullit tonë.
Bekuar qoftë harmonia dhe bashkëjetesa fetare mes shqiptarëve!
