Rubrika *Retrospektivë
Saranda, një shekull më parë dhe…sot
Është i njejti kënd fotografimi, edhe rreth 100 vjet më parë edhe në ditët tona. Kjo është tabloja më kuptimplote për të parë evoluimin urbanistik të Sarandës.
Qyteti e ka marë emrin nga një manastir i hershëm kristian që i kushtohet Dyzet Shenjtorëve (“Ágii Saránda” në greqisht, “Santi Quaranta” në italisht).
Straboni, Ptolemeu, Ciceroni etj, e kanë emërtuar, Onhezmi. Në latinisht, Onhezi ishte erë juglindore e cila frynte duke lehtësuar udhetimet. Kuptimi i dytë e lidh me Onkizi-n, i cili sipas Virgjilit, ishte babai i princit trojan/ dardan, Enea.
Gjatë pushtimit italian të Shqipërisë më 1939, u quajt Porto Eda për nder të vajzës më të madhe të Mussolinit.
Onhezmi (Saranda), ka qenë qytet port që në lashtësi. Në vitin 1927, kishte 800 banorë, ndërsa në vitin 1999 popullsia arriti në 26.512 banorë.
Saranda gjatë 2018-2019 mbajti vendin e parë në Shqipëri për numrin e turistëve dhe shtëpive në bregdet të blerë nga të huajt.
/Marrë nga Alfred Pez@, blogu personal
