Kryetari i Lëvizjes Besa në Maqedoninë e Veriut, Bilall Kasami thotë se janë të gatshëm që edhe të vetëm të sfidojnë Bashkimin Demokratik për Integrim, dhe partitë tjera në qeveri që kërkojnë mbështetjen e shqiptarëve në zgjedhjet e 12 prillit. Ai pranon që është i mundur një koalicion me Aleancën për Shqiptarët, për të cilin thotë se do të ndërtohej bazuar në platformë të pastër opozitare.
Kreu i Lëvizjes Besa, Bilall Kasami, ka apeluar që partitë shqiptare të bashkohen rreth kërkesave të shqiptarëve në Maqedoninë e Veriut, në mënyrë që të jenë faktor vendimmarrës në vend. Përtej thirrjes për bashkim, ai është i bindur se lëvizja e tij edhe vetme mund sfidojë Bashkimin Demokratik për Integrim, dhe partitë tjera në qeveri që kërkojnë mbështetjen e shqiptarëve në zgjedhjet e 12 prillit.
Kasami: Problemin më shumë e shoh tek defaktorizimi i partive shqiptare në qeveri, sesa tek ajo që partitë maqedonase nuk janë të gatshme që të pranojnë kërkesat e shqiptarëve.
Kasami thotë se aktualisht janë në diskutim me strukturat e partisë që të ofrojnë platformën qeverisëse. Ndërsa shprehte i bindur se BDI do të përfundojë në opozitë.
Kasami: Për shkak se BDI është parti e preferuar tek partitë maqedonase, BDI vazhdon prej 15 vite të jetë në qeveri e cila nuk i zgjidh problemet e shqiptarëve, por vetëm i shërben pushtetarëve maqedonas.
Neser në 3 janar pritet të hyjë në fuqi marrëveshja e Shkupit, me të cilën qartësohet se tre muaj para se të mbahen zgjedhjet ngrihet një qeveri teknike e cila që merret vetëm me organizimin e procesit, i cili do të zhvillohet me 12 prill.
