Një zjarr ka rënë mbrëmjen e sotme te kinemaja e re e qytetit në Gjirokastër. Godina ndodhet në zonën muzeale të qytetit. (foto ilustruese)
Zjarri ka rënë në pjesën e pasme të ndërtesës, në një dhomë të vjetër që përdorej si tip magazine.
Ndërhyrja e shpejtë e zjarrfikësve evitoi përhapjen e flakëve brenda kinemasë dhe shkatërrimin e saj. Paraprakisht dyshohet për një zjarrvënie të qëllimshme. Zjarri ka nisur nga pjesa e jashtme e portës dhe më pas ka vijuar në brendësi.
