Kryeministri Edi Rama është takuar me punonjësit e administratës, që aktualisht punojnë në sportele dhe po trajnohen për të ofruar shërbime online nga fillimi i vitit 2020.
Rama u shpreh se kjo platformë do të mbajë larg ryshfeteve qytetarët, ndërsa theksoi se nuk do jetë e lehtë.
“Gjithë punën që deri sot e bëja unë, tani do ta bëjë shteti për mua. Dhe në fund kur unë jam në afat dhe aplikimi im është procesuar unë shkoj dhe thjeshtë tërheq dokumentin. As ma mban dot njeri në sitar të më thotë hajde nesër se kam vjehrrën sëmurë, hajde pasnesër se kështu është puna, që të më fusi në ato hullitë e rryshfeteve të historive të tjera që dihen dhe as as e fsheh dot njeri marrëdhënien me mua sepse institucioni vetë, në këtë rast Kadastra, por edhe nëpërmjet ekranit të monitorimit ndjek çdo aplikim. Nuk do jetë e lehtë, por me vajza dhe djem si ju që i kemi këtu, kemi shumë besim që do të jetë shumë më e lehtë seç do ishte pa ju”, tha Rama.
Nga 1 janari nis revolucioni digjital në shërbimet për qytetarët me 472 shërbime që deri sot kërkohen në radhë nëpër sportele, do të ofrohen me aplikime online përmes smartfonit apo kompjuterit.
Qytetarëve nuk do t’u kërkohen më dosje me dokumenta shtetëtorë, po vetëm dokumenta që janë individualë dhe të gjithë dokumentat shtetërorë të nevojshëm për dosjen do të sigurohen nga vetë administrate.
