Gjithçka nisi në orën 02:50 të mengjesit të së martës në 26 nëntor kur lëkundjet e para të nje termeti që zgjati pak nxorrën nga banesa disa prej banorëve në Tiranë e Durrës që arriten ti ndjejnë këto lekundje.
Rreth 1 orë më vonë, në 03:54, do të godiste dhe tërmeti me pasojat më të medha në Shqipëri ai i 6.4 ballëve me epiqendër 10 kilometra nga Durrësi dhe 31 kilometra nga Tirana. Zgjati rreth 30 sekonda.
Forcat e Armatosura, Zjarrfikëset, Policia e Shtetit, Emergjencat Civile u nisën menjeherë drejt vendeve të para ku u raportua per dëme materiale. Fatkeqësisht, më pas u mësua se dëme të medha kishte dhe në njerëz.
Herët atë mengjes, vendet mike të Shqipërisë me në krye Kosovën, u nisën drejt vendit për të dhënë ndihmën e tyre.
Pikat më të dëmtuara nga ku dolën edhe viktimat e para ishin në Thumanë, në zonen e ish kënetës dhe zonën e plazhit në Durrës nga ku dhe ishte epiqendra.
Bilanci i tërmetit tragjik u mbyll me 45 të shpëtuar nga rrënojat dhe 51 viktima.
Mes shteteve që ndihmuan Shqipërinë janë: Kosova, Zvicra, Greqia, Mali i Zi, Maqedonia e Veriut, Rumania, Bullgaria, Serbia, Turqia, Franca, Gjermania, Kroacia, Hungaria dhe Estonia.
U ngritën struktura të posacme për menaxhimin e situatës nga ku ministri Çuci u zgjodh drejtuesi qendror i operacionit për Menaxhimin e Fatkeqësisë natyrore për qarkun Durrës.
U krijuan menjëherë zgjidhjet për strehimin e banorëve të mbetur pa shtëpi duke filluar me çadrat në zonat rurale si dhe hotelet apo shtëpitë me qera.
Më pas, Arben Ahmetaj u propozua e dekretua si ministër i rindërtimit.
Me 1 dhjetor, kryeministri mbledh Komitetin e Rindertimit. Në tryezë jane te pranishëm perfaqësues të shoqerisë civile, fondacionet si dhe inxhinierë.
Shifra: Qeveria jep 200 miliardë per rindertimin: 130 nga buxheti të tjerat nga donacionet.
Elvis Naçi mbledh 7 milionë euro nga Fondacioni “Firdeus”.
Arbër Hajdari mbledh rreth 2 milionë dollarë nga Fondacioni “Fundjava Ndryshe”.
Marin Mema mbledh 1.7 milionë dollarë nga “Rrënjet Shqiptare”.
Në 4 dhjetor, kryeministri Rama merr pjesë në samitin e NATO-s në Londër, të cilin ai e shfrytëzoi për të kërkuar ndihmë konkrete për vendin pas situatës së krijuar në vend.
Për mua ky ishte objektivi kryesor i gjithë këtij samiti dhe u ndjeva i inkurajuar nga fakti që të gjithë ishin jo vetëm në dijeni por edhe të intresuar të dinin më shumë.
Bëra bisedë të gjatë me presidentin e Francës, kancelaren, kryeministrin e Hollandës dhe sërë liderësh të tjerë, kryeministrja e Danimarkës ka qenë jashtëzakonisht e përfshire dhe e interesuar, kryeministri Conte, i Kanadasë, Erdogan, me presidentin Trump kemifolur, qëllimi është të orgaanizojmë një konference të madhe donatorësh. Reagimet e para kanë pozitive por do punojmë intensivisht”, tha Rama.
Në 8 dhjetor, Rama mori pjesë në konferencën e vendeve islamike për bashkëpunime ku dhe falenderoi Turqinë për ndihmën e dhënë pas tërmetit së 26 nëntorit.
“Unë nuk ofroj një ringjallje, por po kërkoj dritën në zemrat tuaja. Më lini tju kërkoj falej nëse përsëris veten, por kjo dritë u pa të Turqia. Turqia e provoi se i përmbahet urtisë së saj se nuk braktisi një mik të saj. Për këtë dhe për premtimin e presidentit për të ndërtuar 500 banesa kam ardhur tju falenderoj e që të bashkohuni me ne në këtë udhëtim të dhimbshëm”, tha Rama gjatë takimit.
Presidenti i Turqiës, Erdogan flet për 500 shtëpitë: Për 6 muaj deri në një vit do e kemi kryer si punë.
Presidenti i Francës Macron bën të ditur se më 19 ose 20 janar të 2020, do të mbahet Konferenca e Donatorëve Ndërkombëtarë në ndihmë të Shqipërisë.
Ai bëri thirrje për të kontribuuar në rindërtimin e zonave të dëmtuara nga tërmeti i 26 nëntorit, ndërsa idenë e konferencës së donatorëve e dha fillimisht në samitin e NATO-s në Londër.
Kryeministri Rama thotë se ndertimet e shtëpive në qytezat dhe lagjet e reja në Tiranë, Durrës e Kurbin do të nisin në mars.
Brenda një viti pritet të marrë forme projekti i rindërtimit që do të zgjasë edhe në vitet pasues.
ALPEnews.al
