Pamje të rënda vijnë nga Bulevardi Vlorë- Skelë, ku një makinë ka përplasur këmbësorin që po ecte në vijat e bardha.
Ngjarja ka ndodhur në orët e pasdites së djeshme, afër kryqëzimit të Rinisë, ku një mjet tip “Smart” ka aksidentuar një 71-vjeçar të identifikuar si Luan Zaimi. Report Tv siguron video e këtij momenti të tmerrshëm, por që fatmirësisht nuk ka përfunduar tragjikisht pasi 71-vjeçari ndodhet jashtë rrezikut për jetën në spital.
Lidhur me këtë ngjarje, nuk ka pasur një njoftim nga ana e policisë së Vlorës, e ndërsa bëhet e ditur që drejtuesi i mjetit nuk është identifikuar.
