Rënia e Murit të Berlinit e ndau jo vetëm historinë e Europës, por edhe atë shqiptare në Ballkan, në epokën përpara dhe pas tij.
Sot është 30 vjetori i krijimit të Lidhjes Demokratike të Kosovës (LDK), dallëndyshes së parë politike, të kësaj epoke të re për shqiptarët.
Zhvillimet e vrullshme në Lindjen Komuniste, çuan në shpërbërjen e ish Jugosllavisë, ish BRSS, ndarjen e Çekosllovakisë dhe bashkimin e dy Gjermanive.
Embëltore “Elida” në Qendrën e Sportit e Rinisë “Boro e Ramizi” në Prishtinë, u bë vatra ku mblidheshin intelektualët më të shquar të Kosovës.
Vajza e Mahmut Bakallit, Elida, as që e ka menduar atë kohë se ëmbëltorja që do merte emrin e saj, do bëhej aq e famshme, sa të shpallej sot Monument i Trashëgimisë Kulturore të Kosovës.
Jusuf Buxhovi i kishte dhënë tonin takimeve dhe debateve që zhvilloheshin aty, nga ku lindi më pas më 23 dhjetor 1989, LDK. Kryetar u zgjodh Ibrahim Rugova, që i dha tonin historisë së re politike të Kosovës.
Pas disa muajsh, edhe në Shqipëri, zhvillimet e vrullshme dhe protestat e studentëve, çuan në rrëzimin e komunizmit dhe lejimin e pluralizmit politik.
E para ishte LDK dhe 23 firmëtarët e aktit të themelimit të saj.
Alpenews.al
