Arben Kraja është zgjedhur kreu i Prokurorisë Speciale, pasi ka arritur të sigurojë më shumë vota se kundërshtarët. Votimi është bërë nga anëtarët dhe kryetari i Këshillit të Lartë të Prokurorisë.
Kraja do të ketë vetëm funksion administrative dhe do të qëndrojë në krye në një mandat 3-vjeçar.
Eksperienca në drejtim dhe menaxhim të burimeve njerëzore i dha Krajës, ish- kreut të Dekriminalizimit 6 votat e nevojshme.
Arben Kraja cilësohet gjithashtu si prokuror i dosjeve të “nxehta”. Kraja është i njohur si prokurori i dosjes së abuzimeve me fondet e rrugës Durrës-Kukës, ku u hetua edhe kryetari i Partisë Demokratike, Lulzim Basha, i cili shpëtoi me procedurë. Kraja ka kaluar procesin e Vetingut, ndërsa vendimi për konfirmimin e tij në detyrë ka marrë formë të prerë pasi nuk është ankimuar në Komisionin e Pavarur të Kualifikimit.
/ALPEnews.al
